AICS-ah Church Music zir duhte tan dilna hun hawn a ni e.

Kum 2021-2022 Academic Session chhungin AICS-ah heng music course te hi zir theih
tura ruahman a ni a, zir duhte tan dilna hun hawn a ni.
1) Diploma in Church Music (DipCM) – Kum khat course (July 2021- April 2022).
Zir thei chin: Kum 16 chin chunglam, Class X passed, ruihtheih thil ti lo, kohhrana music lama experience nei tawhte (conducting/ zaipawla tel/ zai hruai/ solo/ keyboardist, etc.).
2) Certificate in Church music (CCM) – Kum chanve course (July-December, 2021).
Zir thei chin: Kum 16 chin chunglam Class X passed, ruihtheih thil ti lo, kohhrana music lama
experience nei tawhte (conducting/ zaipawla tel/ zaihruai/ solo/ keyboardist/ etc.).


Dilna form hi AICS website (https//aics.edu.in) atangin a download theih a ni a. AICS zirtirtute hnenah pdf copy dil theih a ni bawk. Application form hian man a nei lova. Mahse,
Entrance Test neih hunah Entrance fee Rs. 200/- pek tur a ni ang.
Class kal dan tur: College-ah awm chilh lovin Aizawl khaw chhung atangin lehlangin
zir theih a ni ang a. Hostela awm mamawh tak tak tan chuan ruahmanna siamsak dan ngaihtuah a ni ang.
Fee: Fee chawi zat tur hre duh tan a copy dil theih a ni.
Dilna theh luh hun: Dilna hian March ni 30, 2021 aia tlai loah AICS office a thleng tur
a ni a. PDF copy pawhin thawn theih a ni. A thlalak (image copy) erawh chu pawm a ni lovang, fiah taka print chhuah a harsat avangin.
Entrance test hun: Entrance Test hun hi April ni 21-23, 2021 ruahman chhin a ni a. A hun
hi la tihchian leh tur a ni a, chumi hunah chuan diltute hriattir an ni ang.
Hriattur pawimawhte:
1) Kohhran pawmpuina lehkha (recommendation letter) dilnaah thil tel tur.
2) Zirlai te tan pawn lam atanga kal theih tura ruahman a ni ang.
3) Hostela awm ngei ngei ngaite chu ruahmanna siamsak tum a ni ang.

Rev. Dr. Vanlalchhawna Khiangte
Principal, AICS
Phone: 9436354485
Email: principalaics000@gmail.com
19.12.2020

0 0 vote
Article Rating
Subscribe
Notify of
guest
0 Comments
Inline Feedbacks
View all comments