AICS ah BCS a zir theih ta e:

AICS ah Bachelor of Christian Studies (BCS), Senate of Serampore College/University hnuaia Extension Study program pakhat, tan a ni dawn ta a. Zir duhte tan dilna hun hawn a ni e. Application form hi a AICS office atangin lak chhuah theih a ni a, tin post hnuaiah hian download theih na dah a ni bawk e. Dilna hi 25 October 2021 thleng AICS office-ah theh luh theih a ni.

BCS PROGRAMME KALPHUNG

Bachelor of Christian Studies (BCS) hi Senate of Serampore College (University) hnuaia Pathian Thu zirna a ni a. He programme thil tum ber chu kohhran hruaitute leh rawngbawltute, theological training nei lem lo (lay leader) te inbuatsaihna tur atan a ruahman a ni.  Mizoram kohhran hruaitu tam berte te hi lay leaders an ni hlawm a. He programme hi tualchhung kohhran hrang hrangte tan pawh a hlawk thlak ngei a rinawm. He programme hi residential ni lovin mimal zirna (private/distance learning) atan buatsaih a ni a. Kohhran hoten an tangkai pui beiseiin BCS zirna hi AICS-ah a vawikhatna atanhawn tan a ni.

1. BCS Academic Year: BCS academic year hi January atanga December thleng a ni. A course rei chhung erawh kum li (4) a ni ang. Kum 4 chhunga zo hman lo tan kum 7 thleng pawh in a zir theih (registration a nung).

• BCS zirna leh Exam atan Tawng Hman Tur: BCSzirna leh examna atan hian English emaw, Mizo emaw thlan theih a ni. AICS-ah chuan Mizo zirtirna atanMizo tawng leh English hman kawp a ni ang a. Examna atan chuan zirlaiten an thlan zawk zawk tawngin an ziak thei ang. Study material erawh chu SCEPTRE-in English a  buatsaih English study material hman a ni ang a. Heng material-te hi zirlai in a mamawh ang zel a chah mai theih a ni.

• Curriculum: AICS center atanga in register tan chuan a pumpuiin zirlai (course) 24 (sawmhnih leh pali) a awm ang a, zirlai 15 (Sawm leh panga) te hi Senate endik tur required course a ni ang. A dang zawng (9) hi college paper a ni ang. Heng paper te hi kum 1 ah paper 6 zel zir tura ruahman a ni.

• Contact Seminar: Contact seminar hi Senate lam beisei danah chuan kum khatah vawi khat tal neih ngei tur a ni a. AICS ah erawh chuan a tlem berah quarterly a neih theih dan ngaihtuah a ni ang. Heng quarters, January-March, April-June, July-September leh October-December, ah te hian vawi khat theuh neih theih beisei a ni. A hun leh a ni erawh chu college lam ruahman dan a in hriattir zel a ni ang.

• Weekend Class: A remchan dana ng in chawlhkar tawpa class nei thin a ni ang.

• Admission chungchang: BCS zir tura dil duh chuan a hnuaia tarlan criteria/qualification engemaw ber hi a nei tur a ni.
• Recognised university atanga Bachelor Degree.
• Pawl 10 pass chin tan Senate in a buatsaih mature candidate exam a a zawh mai bakah kum hnih (2) tal rawngbawlnaah a lo in hmang tawh.
• Dip. CS emaw Dip. BT pass bakah kum hnih (2) tal rawngbawlnaa in lo hmang tawh.

• Registration Chungchang: Registration/Application form  hi AICS website: https://aics.edu.in/news/2021/09/11 ah download theih tura dah a ni a. Diltu chuan he form hi fill up in lehkha tul dangte nen PDF format in he email-ah hian thawn tur a ni: aicsbcs@gmail.com. Registration fee hi Senate-a pek tur a ni a, a detail chu Fee structure-ah tarlan a ni.

Application-a Lehkha (copies) thiltel turte

1. Academic qualification marksheet leh certificate.
2. Birth certificate emaw pian ni tarlanna lehkha.
3. Kohhran membership certificate.
4. Registration fee pekna receipt/voucher.
5. Diltu chuan university/institution dangah zirlai a ni lo tih ziak in a theh lut tel tur a ni.
6. Khing a chunga lehkha thil kim lo dilna (application) chu pawm a ni lo ang.

Chiang zawka hre duh tan a hnuai mite hnenah hian zawh fiah theih a ni e.

Rev. James Chuaukailiana

i/c BCS Program, AICS

Phone no: 9862133419

email: bcsaics@gmail.com

Rev. Dr. Vanlalchhawna Khiangte

Principal, AICS

Phone No: 9436354495